Улсын бүртгэлийн ерөнхий газрын Эд хөрөнгийн эрхийн улсын бүртгэлийн газар Монголын нотариатчдын танхимтай хамтын ажиллагааны хүрээнд ээлжит уулзалтыг өнөөдөр /2021.12.01/ зохион байгууллаа.
Уулзалтад УБЕГ-ын Эд хөрөнгийн эрхийн улсын бүртгэлийн газрын дарга Б.Ариунболд, Мэдээллийн технологийн газрын Мэдээллийн сан, программ хангамжийн хэлтсийн дарга Б.Анхбаяр болон холбогдох албан хаагчид, Монголын нотариатчдын танхимын ерөнхийлөгч Ч.Баянжаргал, мэдээлэл технологийн инженер /IT/ Б.Гүнчинсүрэн, “Интерактив” ХХК-ийн төслийн менежер Б.Урангэрэл, бизнес анализист Д.Оюунбат нар оролцов.
Уулзалтаар УБЕГ, Монголын нотариатчдын танхимын гишүүн нотариатч нартай 2020 онд байгуулсан “Мэдээлэл нийлүүлэх, мэдээлэл авах“ гэрээг 2022 онд дахин шинэчлэн байгуулах, гэрээний зарим зүйл заалтуудад өөрчлөлт оруулах, шинээр батлагдах хуультай холбоотойгоор гэрээнд нэмэлт өөрчлөлт оруулах эсэх тухай, мөн зуучлах үйл ажиллагаатай холбоотойгоор УБЕГ-ын Мэдээллийн технологийн газар, Монголын нотариатчдын танхимтай хамтран хийсэн программ хөгжүүлэлтийн ажлын явц болоод цаашид уг системийн хөгжүүлэлтийг эрчимжүүлэх, иргэд үйлчилгээний хураамжийг цахимаар төлөх, иргэдэд чирэгдэлгүй байх нөхцөл боломжийг бүрдүүлэх талаар, цаашид хоёр тал анхаарч ажиллах асуудлуудыг хэлэлцэж, харилцан санал солилцлоо.
