Монгол Улсын Засгийн газрын 2025 оны 02 дугаар сарын 26-ны өдрийн “Ажил, амралтын цагийн зохицуулалтын тухай” 109 дүгээр тогтоолын хэрэгжилтийг хангах зорилгоор Төв аймгийн Улсын бүртгэлийн хэлтэс болон сумдын Улсын бүртгэгч нар 2025 оны 03 дугаар сарын 29-ний Бямба гарагт буюу өнөөдөр ердийн цагийн хуваарийн дагуу ажиллалаа.
Явуулын бүртгэлийн үйлчилгээ – Иргэдэд ойр үйлчилгээ
Төрийн үйлчилгээг иргэдэд илүү хүртээмжтэй болгох, ялангуяа ахмад настан, малчин өрх, зорилтот бүлгийн иргэдэд үйлчилгээг шууд хүргэх зорилгоор Эрдэнэсант, Цээл сумын улсын бүртгэгч нар улсын бүртгэлийн хөдөлгөөнт буюу явуулын үйлчилгээг үзүүллээ.
Тус үйлчилгээгээр нийт 13 иргэнд дараах төрлийн үйлчилгээ үзүүлсэн байна:
Улсын бүртгэлийн гэрчилгээ гардуулж өгөх
Бүртгэлийн лавлагаа, мэдээлэл өгөх
Иргэдийн хүсэлтийн дагуу шаардлагатай зөвлөгөө өгөх
Ахмад настан, малчдад хүрсэн үйлчилгээ
Энэхүү явуулын үйлчилгээг үзүүлэхдээ бүртгэгч нар тухайн иргэдийн гэрт нь очиж, улсын бүртгэлийн гэрчилгээг гардуулан өгч, шаардлагатай мэдээлэл, зөвлөгөөг өгсөн нь иргэдийн талархлыг хүлээлээ. Малчид, өндөр настан зэрэг алслагдсан, хөдөлмөр эрхлэлтийн онцлогтой иргэдийн хувьд сумын төвд ирж үйлчлүүлэхэд хүндрэлтэй байдаг тул явуулын үйлчилгээг өндөр ач холбогдолтой ажил болсон гэж үзэж байна.
Иргэдийн сэтгэгдэл
Эрдэнэсант сумын иргэн Г.Алтангэрэл:
“Би өндөр настай учраас сумын төв рүү байнга явах боломжгүй байдаг. Энэ удаа улсын бүртгэлийн гэрчилгээг гэрт минь авчирч өгсөнд үнэхээр баяртай байна.”
Цээл сумын малчин Л.Мөнхбат:
“Малчид бид мал төллөж байгаа энэ үед хол газраас төв орох гэж цаг заваа их алддаг. Ийм төрийн үйлчилгээ гэрт ирж байгаад туйлын баяртай байна.”
Дүгнэлт
Энэхүү үйл ажиллагаа нь төрийн үйлчилгээг иргэдэд ойртуулах, хүртээмжийг нэмэгдүүлэх чухал арга хэмжээ боллоо.
Дэлгэрэнгүй мэдээлэл авах:
Улсын бүртгэлийн ерөнхий газар
Төв аймгийн улсын бүртгэлийн хэлтэс
Иргэний бүртгэлийн улсын ахлах бүртгэгч
П.Болормаа
101 тоот Утас 70273161
