“ХАРИЛЦАН ХҮНДЭТГЭЕ” АЯНЫ ХҮРЭЭНД 151 СУРГАЛТ, НӨЛӨӨЛЛИЙН АРГА ХЭМЖЭЭГ ЗОХИОН БАЙГУУЛЛАА

“ХАРИЛЦАН ХҮНДЭТГЭЕ” АЯНЫ ХҮРЭЭНД 151 СУРГАЛТ, НӨЛӨӨЛЛИЙН АРГА ХЭМЖЭЭГ ЗОХИОН БАЙГУУЛЛАА

“Харилцан хүндэтгэе” үндэсний аянд Төв аймаг нэгдэж, АЗДТГ-ын даргын 03 сарын 04-ний өдрийн 02\393 тоот албан бичигт тусгагдсаны дагуу аймгийн төлөвлөгөө батлуулан, хэрэгжилтийг ханган ажиллалаа. Аяны хүрээнд Жендэрийн салбар хорооноос Хүний эрхийн үндэсний комиссын Төв аймаг дахь салбартай хамтран жендэрийн мэдлэг, ойлголтыг нэмэгдүүлэх “Жендэр ба Хүний эрх” сэдэвт 14 удаагийн сургалт, нөлөөллийн арга хэмжээг зохион байгуулж, үүндээ 12 байгууллагын 70 гаруй эрэгтэй, 189 эмэгтэй ажилтан, албан хаагчдыг хамрууллаа. Нөлөөллийн арга хэмжээний хүрээнд Жендэрийн эрх тэгш байдлыг хангах тухай хуулийн хэрэгжилтэд хяналт тавьж сайжруулах зорилгоор анх удаа орон нутгийн түвшинд жендэрийн мэдрэмжтэй эрэгтэй удирдагчдыг тодорхой шалгуурын дагуу үндэсний хэмжээнд анх удаа сонгон шалгаруулсан юм. Нийт 19 аймгийн 170 гаруй байгууллагын 1800 гаруй албан хаагчид хамрагдаж, аймаг тус бүрт гурван салбарын жендэрийн мэдрэмжтэй 29 удирдагчдыг шалгаруулсан бөгөөд Төв аймгаас Төрийн захиргааны байгууллагын төрөлд ТӨВ АЙМАГ ДАХЬ УЛСЫН БҮРТГЭЛИЙН ХЭЛТСИЙН ДАРГА Н.ЭНХБАТ шалгарлаа.

Жендэрийн Үндэсний Хороо

https://www.facebook.com/tuvburtgel